I A PAS FOC AL TIPI !

Una fèsta de la Bovina

Dins Gard, Uchaud se remembra la preséncia del Marqués de Baroncelli, per la fèsta de la Bovina, lo 15 d’agost. S’i pòt veire una abrivada coma la vòl la tradicion : de gardians a caval encadran un tropèl de braves buòus de Camarga, dels de la raça tornada pel Marqués.

Cadun a aprestat son repais del miègjorn, tradicional el tanben, coma la musica balhada per tres autboissaires e un tamborinaire. L’embiant es aquí per aculhir los sèt buòus sarrats per un detzenat de cavalièrs. S’agís pel monde d’acompanhar los buòus, dels prats duscas a las arenas, e lo jòc consistís d’ensajar d’escartar los cavals per far fugir los buòus. De còps, la corsa devén un pauc riscada, mès pas plan. Aprèp, lo monde pòdon anar tastar totes amassa l’alhòli e lo rosat fresquet, a l’ombra dels palafreguièrs, abans de cantar la Copa Santa e de la Fe dels buòus !

Alavetz, s’avètz enveja de coneisser lo bonur, sufís d’anar a Uchaud l’estiu que ven per aquela fèsta ; i sèm convidats pel nòstre correspondent Miquèl Massal.

   L’Occitage

Poème de Joseph d’Arbaud (Florilège de la Nation Gardiane 1932) qui chante le renouveau de la race bovine et la fraternité des gardians avec le peuple provençal (air : Le temps des cerises)

Cansoun gardiano    Chanson gardiane

Quand lou souleias rabino la plano  Quand le grand soleil brûle la plaine

Que sus lis estang danson li belu  Que sur les étangs dansent les clartés

A ras dis engano     Au ras des salicornes

Urous quau bloucant sa sello gardiano  Heureux qui bouclant sa selle gardiane

S’en vai libre e soul sout lou grand cèu blu  S’en va libre et seul sous le grand ciel bleu

  […]     […]

Aro qu’an tourna li tèms d’abribado   Maintenant est revenu le temps d’abriver

Buten nòsti biòu sus li caladat   Poussons nos taureaux sur les pavés

 En revoulunado    En tourbillons

Au noum dòu païs e de la manado   Au nom du pays et de la manade

Mantenen gardian noste vièi coumbat  Gardians maintenons notre vieux combat

  […]     […]

Mi fraire gardian sian qu’uno pugnado  Frères gardians nous sommes une poignée

Mai sauvan la terro e l’us naciounau  Mais sauvons la terre et notre tradition

 De la mau-parado    Du malheur  

E belèu qu’un jour la Raço aubourado  Et peut-être qu’un jour la Race retrouvée

Boumbira delièuro a noste signau…  Bondira allègrement à notre signal…